Ытык-мааны Саха сирин олохтоохторо!
Үйэ рекордун олохтооһуҥҥа турунуоҕуҥ!
Норуоппут түмсүүлээх, бэйэ-бэйэтин өйөһөр-өйдөһөр буолан бу тыйыс дойдуну иччилээн күн бүгүҥҥэ диэри олордоҕо.
Саха таҥаһа биһигини баччаҕа диэри тымныыттан харыстыыр, норуоппут уратытын көрдөрөр биир ураты киэн туттуубут.
Бэс ыйын 24 күнүгэр Туймаада ыһыаҕар Үс Хатыҥҥа Кымыс киинигэр “Туймаада Утума” Гиннесс рекордун олохтоһо, саха таҥаһын аатын ааттата, Саха сирин сураҕын соното, аатын ааттата кэлэргитин күүтэбит.
Ирдэбилэ олус судургу – саха таҥаһын таҥныбыт барыта кыттар!
Норуот ытыктабылын ылбыт аатырбыт рекордтарбыт сырыы аайы тупсан иһэллэрэ үчүгэй. 2012 с. Оһуохайбыт рекордугар 15 293 киһи кыттыбыта, аан дойду дьоно сөхпүтэ. Быйыл саха таҥаһын рекордугар итиннээҕэр элбэх буолан мустуоҕуҥ диэн ыҥырабыт!
Кымыс киинигэр рекорка кэлбит дьону киллэрии күнүс 14:00 чаастан саҕаланар уонна 14:55 чааска тохтуур. Кыттар дьон эрдэ кэлэн миэстэҕитин булан олоруҥ.
Рекорд сиэрэ-туома 15-00 чаастан саҕаланар.
Бука бары – Үйэ рекордугар!
