“Наследие-Утум-2017”
норуот талааннаахтарын күрэһин
БАЛАЬЫАННЬАТА
Сыала
- Саха сиригэр олорор бары омуктар үгэстэрин, култууралараны утумнааһыны үйэтитии, сайыннарыы;
- Норуоттар...“Наследие-Утум-2017”
норуот талааннаахтарын күрэһин
БАЛАЬЫАННЬАТА
Сыала
- Саха сиригэр олорор бары омуктар үгэстэрин, култууралараны утумнааһыны үйэтитии, сайыннарыы;
- Норуоттар үгэстэрин, көлүөнэлэр ситимнэрин бөҕөргөтүү;
- Үлэһит дьон талаанын арыйыы, үлэ кэлэктииптэрин аатын ааттатыы, киэҥ эйгэҕэ билиһиннэрии.
Соруга
- СӨ уопсастыбаннай түмсүүлэрин айар кэлэктииптэрин култуурунай сибээһин сайыннарыы уонна бөҕөргөтүү;
- Айар талаанар кыттыгас бырайыактарын олоххо киллэрэргэ бииргэ үлэлэһиини олохтооһун уонна сайыннарыы;
- Кэлэктииптэр салайааччыларын идэҕэ таһымнарын үрдэтии;
Күрэскэ кытталлар
- Ырыа ансаамбыллара, хуордар уонна биирдиилээн ырыаһыттар;
- Үҥкүү ансаамбыллара уонна биирдиилээн үҥкүүһүттэр;
- Фольклор кэлэктииптэрэ уонна толорооччулара (тойук, чабырҕах, үгэ, о.д.а. көрүҥ; хомус, кырыымпа, о.д.а. үстүрүмүөн);
- Норуот уустара (мас, туос, ювелирнай, быһах), талааннаах тарбахтаахтара (иистэнньэҥнэр);
- Куолуһуттар (араатардар).
Дьүүллүүр сүбэ
Дьүүллүүр сүбэ састаабын күрэһи Тэрийэр хамыыһыйа быһаарар. Дьүүллүүр сүбэ күрэскэ кыттааччылар сыаналарын 10 баалынан сабыылаах куоластааһынынан туруорар. Хас биирдии көрүҥҥэ, хайысхаҕа анал Дьүүллүүр сүбэ үлэлиир.
Бириистээх миэстэ ким элбэх баалы ылбытынан быһаарыллар. Туруоруллубут сыана боротокуолга киирбитинэн түмүк тахсар. Дьүүллүүр сүбэ быһаарыыта булгуччулаах уонна хаттаан көрүллүбэт.
Күрэс усулуобуйата
- Күрэскэ 18 сааһыттан үөһээ саастаах дьон кыттар (бөлөҕүнэн арахсыбат);
- Хас биирдии кыттааччы бэйэтин омугун национальнай таҥаһын кэтэн кэлэрэ булгуччулаах;
- Ырыа (вокал) уонна фольклор күрэстэригэр кыттааччы икки нүөмэри бэлэмнээн кэлэр. Ырыа тыыннаах доҕуһуолунан (байаан, ф/пиано, о.д.а. үстүрүмүөн, ол иһигэр – национальнай үстүрүмүөн араас көрүҥэ) ылланар. Фонограмма (-, +) көҥүллэммэт;
- Үҥкүү ансаамбыллара уонна биирдиилээн үҥкүүһүттэр биирдии национальнай үҥкүүнү толороллор. Доҕуһуола көҥүл;
- Уустар, иистэнньэҥнэр оҥоһуктарын анал сиргэ быыстапкаҕа туруораллар, оҥоһук ахсаана хааччаҕа суох;
- Куолуһуттар күрэстэригэр кыттааччыларга күрэс кэмигэр анал тиэмэ бэриллэр;
- Идэтийбит артыыстар, кэлэктииптэр уонна “Норуот маастара” курдук үрдүк ааты официальнайдык ылбыттар күрэскэ кыттыбаттар;
- Тэрийэр хамыыһыйа күрэс кыттааччыта дьиссипилиинэни кэһэр түбэлтэтигэр күрэстэн тохтотор (дисквалификация) бырааптаах;
- Тэрийэр хамыыһыйа күрэс усулуобуйатыгар уонна күрэһи ыытыыга эбиини-көҕүрэтиини киллэрэр бырааптаах.
Көрүҥнэр, күрэс сыанабыла
- Ырыа (вокал – эстраднай, норуодунай уонна академическай), 2 ырыа – тыыннаах доҕуһуолунан;
Сыаналанар: куолас күүһэ, тиэмбирин кэрэтэ; сыана култуурата; толоруу маастарыстыбата. Хас биирдии хайысхаҕа (биирдиилээн толорооччулар, ансаамбыллар (10 киһиэхэ диэри), хуордар) тус-туспа кыайыылаах быһаарыллар;
- Үҥкүү, 1 нүөмэр – национальнай үҥкүү.
Сыаналанар: сыанаҕа тутта-хапта сылдьыы, пластика, көстүүм, толоруу култуурата;
- Фольклор, 2 нүөмэр (о.и. олоҥхоттон быһа тардыы 7 мүнүүтэттэн уһуо суохтаах).
Сыаналанар: толоруу уратыта, маастарыстыбата, оонньооһун уустуга, үгэһи тутуһуу, уобараһы арыйыы, таҥас-сап. Хас биирдии көрүҥҥэ тус-туспа кыайыылаах быһаарыллар;
- Норуот уустара, талааннаах тарбахтаахтара.
Сыаналанар: уус-уран маастарыстыбата, оҥоһук уратыта, тус айымньы, оҥоһук сыаннаһа. Хас биирдии көрүҥҥэ, хайысхаҕа тус-туспа кыайыылаах быһаарыллар;
- Куолуһуттар. Биирдиилээн дьон кыттар. Тиэмэ уонна кэпсиир кэмин күрэс кэмигэр биллэриллэр. Дьүүллүүр сүбэ эбии ыйытыылары биэриэн сөп;
Сыаналанар: тыла-өһө хомоҕойо, куолаһа, тиэмэни арыйыыта, дьон болҕомтотун, сэҥээриитин тардыыта.
Наҕараадалааһын
Күрэс түмүгүнэн биир “Гран-при” уонна хайысхаларынан I, II, III миэстэ быһаарыллар.
Хас биирдии кыттааччыга кыттыбытын кэрэһилиир Туоһу сурук бэриллэр.
Кыайыылаахтары наҕараадалааһын Гала-кэнсиэр кэмигэр ыытыллар.
Эбии усулуобуйалар
- Айан төлөбүрүн, аһын-үөлүн кыттааччы бэйэтэ уйунар;
- Салайааччылар куттал суох буолуутун хааччыйыыга толору эппиэтинэһи сүгэллэр;
- Хас биирдии кыттааччы биир көрүҥҥэ кыттыы иһин 500 солк. усунуос төлүүр. Күрэс усуоһун бу дьыл бэс ыйын 23 күнүгэр диэри 4276 7602 2416 2477 счекка (Сбербаан) төлөнөр;
- Бэс ыйын 23 күнүгэр “Бэчээт дьиэтигэр” 110 хоско сарсыарда 10 чаастан 18 чааска диэри кыттааччылар кэлэн регистрацияны ааһаллар.
Билсэр төлөпүөннэргит: 8 (4112) 42-18-03, 8 968 150 1886.
Сайаапкалары roo_utum@mail.ru электроннай аадырыска бэс ыйын 20 күнүгэр диэри күүтэбит.
Тэрийэр хамыыһыйа.
Показать больше
Ау, привет!