СӨ Тыа хаһаайыстыбатыгар уонна аска-үөлгэ министиэристибэтэ, “Ситим” медиа-бөлөх, “Кыым” хаһыат, “Нэһилиэк саайта” (naslegi.ru) тыа сирин туруктаах сайдыытын бырагырааматын чэрчитинэн, олохтоох оҥорон таһаарыыны, “Саха сиригэр оҥоһулунна” диэн эргиэн бренин өйөөн, нэһилиэнньэни сир аһын хомуйууга, оҕуруот аһын үүннэриигэ, эмтээх уонна ас буолар үүнээйилэри хомуйарга көҕүлүүр инниттэн, “Дойдум бэлэҕэ” диэн фотокуонкурус биллэрэллэр.
Саха дьонугар сайын курдук күндү кэм суох. Сайыҥҥы биир күн дьылы аһатар диэн өбүгэлэрбит мээнэҕэ эппэттэрэ. Ол иһин кылгас сайыммытын төһө кыалларынан толору туһана сатыыбыт. Оҕуруот үлэтэ, сир астааһына, эмтээх уонна сиэнэр үүнээйилэри хомуйуута – улаханнык астынар-дуоһуйар сайыҥҥы түбүкпүт.
Куонкурус “Сир аһа”, “Оҕуруот аһа”, “Эмтээх уонна ас буолар үүнээйилэр” диэн үс номинациялаах. Сир астааһыҥҥы, оҕуруоккут үлэтигэр, кыһыҥҥыга астаммыт хаһааска, эмтээх, сиир үүнэйилэри бэлэмнээһиҥҥэ сыһыаннаах көҥүл истиилинэн түһэриллибит хаартыскалары ыытаҕыт.
Куонкуруска баҕалаах барыта кыттар.
Сайаапканы “Кэрэтиэн саха таҥаһа” диэн куонкуруска кыттыбыт курдук naslegi.ru саайтка киирэн ыйыыгыт. Ону таһынан сайаапканы Этот адрес электронной почты защищён от спам-ботов. У вас должен быть включен JavaScript для просмотра. электроннай почтаҕа ылабыт. Кыаллыбат түгэнигэр 8-924-567-02-56 төлөпүөҥҥэ батсаабынан ыытыаххытын сөп.
Куонкурус икки түһүмэҕинэн барар:
- Атырдьах ыйын 7-тэн 31 күнэ бүтүөр диэри саайка куонкурус кыттыылаахтарыттан сайаапка, хаартыска хомуллар. Хаартыскалар кимнээх киэннэрэ буоларын, ханна түһэриллибитин, төһөнү хомуйбуккутун, туох көстөрүн, төһө өр дьарыктанаргытын, туттараҕыт дуу, бэйэҕитигэр дуу диэн быһаарар суруктаах буолаллара ирдэнэр. Ону таһынан бэйэҕит тускутунан суруйан дьоҥҥо билиһиннэрэр ыытаргыт биһирэнэр.
- Куоластааһын балаҕан ыйын 1-10 күннэригэр ыытыллар.
Куонкурус быраабылата:
- биир киһи хас да номинацияҕа кыттара хааччахтаммат;
- сааһынан хааччахтаммат;
- хаартыска ахсаана 7-тэн тахсыа суохтаах;
- ыыппыт киһи хаартыскаҕа хайаан да баар буолуохтаах. Аймахтар, доҕоттор киириэхтэрин сөп.
- ханнык баҕарар киһи сөбүлээбит хаартыскатын иһин куоластыан сөп.
Кыайыылааҕынан саамай элбэх куолаһы хомуйбут кыттааччылар тахсаллар.
Кыайыылаахтары быһаарыы
Биирдии номинацияҕа үстүү бириис көрүллэр. Барыта 9 сүрүн бириис турар. Ону таһынан, бириис туруорар тэрилтэлэр ураты, интэриэһинэй үлэлэри туһунан бэлиэтиэхтэрэ. ТХМ олус үчүгэй бириистэри туруорар. Номинаяция анаан бириис туруоруон баҕалаах тэрилтэ 42-21-08 эбэтэр 8-924-567-02-56 төлөпүөҥҥэ эрийэн билсиэн сөп.
Куонкурус түмүгэ киэҥник сырдатыллан СӨ ТХМ саайтыгар, “Кыым” хаһыакка, naslegi.ru, Yakutia24.ru саайтарга тахсыаҕа.
Ыйытыылаах, этиилээх буолаххытына: Этот адрес электронной почты защищён от спам-ботов. У вас должен быть включен JavaScript для просмотра. электроннай почтаҕа эбэтэр үөһэ ыйыллыбыт төлөпүөҥҥэ эрийэн билсиэххитин сөп.