Саха таҥаһын фотокуонкуруһа түмүктэнэрэ чугаһаата. Куоластааһын от ыйын 27 күнүттэн 28-һа үүнэр түүн 12 чааска тохтотуллар диэн санатабыт.
Усулуобуйа быһыытынан 9 саамай элбэх куолаһы (лайк) хомуйбут дьон кыайыылааҕынан биллэриллэллэр.
Супер бириис иһин тыһыынчаттан тахса куолас ылбыттар киирсэллэр. Манна олох кытаанах киирсии бара турар. Билиҥҥитэ ирдэбилгэ икки киһи хапсар. Өссө үс-түөрт кыттааччы инникилэр “кэтэхтэригэр тыыналлар”, ситиэхтэрин сөп.
Ким халыҥ өйөбүллээх, түмсүүлээх дьонноох нэһилиэктээх, улуустаах, куораттаах кыайыылаах тахсыыһы диэн сабаҕалыахха сөп.
Чэ, кытаатыҥ!
Ситиһиини баҕарабыт!
Тэрийэр кэмитиэт.