Сир аһа
Чалбанова Маргарита Алексеевна
- Кыттааччы: Александр
- Быhаарыы : Чалбанова Маргарита Алексеевна. Сунтаар улууһуттан Сиэйэ нэһилиэгиттэн дойдубар сайылаан, сир астаан астынным ахан. Төрөөбүт дойдубар Нөөрүктээйигэ тахсан дуоһуйа сынньанным,астына сир астаатым. Ол туһунан аҕыйах хаартыскалары ыытабын. Бэйэм пенсияҕа олоробун, сыл аайы дойдубар сылдьан ааһабын. Хаптаҕаһы буолунай хомуйдум, сороҕун тоҥордум, сороҕун эрийэн саахардаатым. Маннык сокта оҥостун: 2 стакан хаптаҕас, 2 стакан саахар уонна үс литрэлээх стерилизуйдаммыт банкаҕа кутан баран ип - итии саҥа оргуйбут ууну кутан хаппахтаан уураҕын. Хаппаххын эмиэ стерилизациялыыгын. Доруобуйаҕа наһаа туһалаах сок. Быйыл сугун наһаа үчүгэйдик үүммүт. Былырыын эмиэ элбэх үүммүтэ. Кыһыны супту сугуну бэйэтинэн кыра - кыра сиэтибит. Арыт сүөгэйгэ, йогуртка, арыт саахар, сгущенка буккуйан сиир наһаа минньигэс. Сороҕун эрийэн саахардаан варенье оҥоробун. Маны таһынан моонньоҕон бөҕө, малина хомуйан астынным. Сайын устата ардах олох түспэккэ дьэдьэммит хатан хаалла инньэ гынан дьэдьэн хомуйбатым. Мин бэйэм Дьокуускай куоракка олоробун, сыл аайы дойдубар ити курдук кэлэн сир астаан сынньанан барааччыбын. Бэйэм куоракка үһүс көлүөнэ оскуолаҕа уруһуйга уонна сахалыы өрбөх сыыһыттан аттаран тигиигэ үөрэтэбин. Бэс ыйын бутуутэ Куех хонууга киирэн куех сир луугун сылын ахсын хомуйабын. Ас астыырга куех лууг аhылыгы наhаа тупсарар,минньитэр. Ол иhин мэлдьи сеп буолары хомуйан туустаан кээhэбин. Бирэскии иhин куех лууга суох астаабаппын, суегэйгэ ньыhыллыбыт хортуоска5а эбэhээт куех лууктуубун. Сир астыы баран иhэн биир хатынна чааккы бе5е ууммутун буллум, чох хара еннеех тэллэйдэр. Былыр маннык тэллэйдэри чэй гынан иhэллэр эбит, ис-уес ыарыытыгар, куртах,оhо5ос баастарыгар, гастрикка оргутан тутталлар.
Спонсоры
Комментарии