Саха таҥаһын өрөгөйүн, төрүт култуурабыт сайдыытын өйөөн, Гиннесс рекордун ситиһиитин үйэтитэр соруктаах, олохтоох бэйэ таҥаһын көҕүлээн, “Ситим” медиабөлөх, “Кыым” хаһыат, naslegi.ru сайт саха таҥаһын хаартыскаларын күрэҕин тэрийэр.
Сайаапка ыытарга маҥнай саайтка киирэн регистрацияланыаххытын наада.
Сайаапканы Этот адрес электронной почты защищён от спам-ботов. У вас должен быть включен JavaScript для просмотра. электроннай пуочтаҕа ыытаҕыт. Ааккытын-суолгутун ыйаргытын умнумаҥ
Күрэх икки түһүмэхтээх:
- - От ыйын 18 күнүгэр диэри naslegi.ru сайтка киирэн регистрацияланаҕыт, сахалыы таҥастаах хаартыскаҕытын тиһэҕит (5 хаартыска көҥүллэнэр);
- - От ыйын 18-27 күннэригэр куоластааһын ыытыллар.
Күрэх ирдэбилэ:
- - Ааптар (хаартысканы киллэрээччи) регистрацияланыахтаах.
- - Сааһыттан тутулуга суох дьон кыттар;
- - Сахалыы таҥастаах түспүт бэйэҕит, эбэтэр сахалыы таҥастаах чугас дьоҥҥун кытта бөлөҕүнэн түспүт хаартыскаҕытын саайтка киллэрэҕит;
- - Ким баҕарар куоластыан сөп. Куоластыыр дьон регистрацияланаллара булгуччута суох.
Түмүк
Элбэх куолаһы (лайк) ылбыт бастакы 9 киһи кыайыылааҕынан биллэриллэр.
Кыайыылаахтар сыаналаах бириистэринэн наҕараадаланыахтара.
Маны таһынан эрэдээксийэ эспиэрдэрэ “Ураты хаартыска”, “Саха сайдам ыала”, “Ыал дьоһун аҕа баһылыга”, “Алаас кэрэтэ”, “Кэрэчээн кырачааннар” о.д.а. биһирэбил бириистэри олохтуохтара.
Баҕалаах дьон бэйэлэрин анал бириистэрин олохтуохтарын сөп. Ол уонна да атын боппуруостарга 42-21-08 уонна 34-47-40 төл. эрийиҥ.
Куонкурус түмүгэ “Кыым” хаһыакка, naslegi.ru, Yakutia24.ru сайтарга тахсыаҕа!
Кыайыыны баҕарабыт! Кытаатыҥ!
