Борисова Марфа Дмитриевна, Борисов Семен Петрович
-
-
Заявку подал:
Александр
-
Описание:
Амма улууһун Алтан нэһилиэгин олохтоохторо Борисова Марфа Дмитриевна, Борисов Семен Петрович дьиэ кэргэн сайыҥҥы сыралаах үлэбит түмүгүн ыыттыбыт. Биһиги ыал 90-с сыллартан сибэккинэн, оҕуруот аһынан, хортуоппуйунан, хаппыыстанан хото үүннэрэн дьарыгырабыт.
Саас сибэкки , оҕуруот рассадата атыылыыбыт. Сайын ордук оҕуруот аһын атыылыыбыт. Дьиэбит таһын сибэккинэн өрүү киэргэтэбит. Оҕуруот таһыгар малина, моонньоҕон, клубника, дьэдьэн үүннэрэбит. Быйыл ас бөҕө хомуйдубут.
Күһүн соҕотуопка оҥорон, лечо, салат, оҕурсу тууһаан, тэллэй маринуйдаан, компот, барыанньа оҥорон хаһаанабыт.
Бэйэбит алта оҕолоох, сэттэ сиэннээх улахан дьиэ кэргэммит. Оҕолорбут, сиэннэрбит этэҥҥэ сылдьаллара, оҕуруоппут аһа, сибэккибит этэҥҥэ үүнэрэ бу биһиэхэ улахан үөрүү, ситиһии.
Саха ыалынан сүөһү ас ииттэбит, сайын үүт туттарабыт.
Комментарии